... نسخة للطباعه ...اضف الى المفضله

 

 

 

 
 
 

 

الاكثر تصفحا

 

 

 

 

 

 

 

 

 

 موقع الشاعر زهير الدجيلي

 

 

الى متى هذا القهر ؟ .. الى متى ؟ ..قصيدة جديدة للشاعر زهير الدجيلي

عدد المشاهدات   3678
تاريخ النشر       05/02/2013 01:18 PM



**      **     **    ..

الى متى يبقى الوطن بيد الحراميّه... وطن منهوب؟
لاحارس أيحرسه ولاحاكم يصونه ويعمل المطلوب
الى متى؟
الى متى يبقى البعض جاهل يقوده الكذب والملعوب؟
مسطور يلطم بالسنه 300 يوم
اعيونه رمده ,ايشوف كل ماحوله بالمقلوب
الى متى؟
الى متى هذا العراق المبتلي بالموت
يبقى الموت عنوانه وعليه مكتوب
ومن دون كل  دول الارض
يبقى العراق البلد المنكوب ؟
الى متى  ؟
الى متى يبقى ابو النهرين عطشان
و يجيه الماي  يادوب
الى متى ؟
الى متى ....المعيوب والمعطوب والمذبوب
يحكم هالبلد ويصير هو البطل المحبوب
يبرك على صدر الشعب
ويهد علينا الجلب المجلوب ؟
الى متى ؟
كان العراقي طول عمره
الكلّ يسمّونه : المواطن المرعوب
اليوم صار ابفضل حزب الدعوة
هم مرعوب وهم مسلوب
الى متى هذا القهر .....الى متى ؟
الى متى هذا النصيب الاسود
امفّصّل علينا ثوب ؟
الى متى؟
يهل (الحكومه الخضرا) ملينا قهر
صار القهر حالوب !
بغداد غركٍت بالمجاري
وانتم أتعيشون عنها ابصوب
وهيّ أبصوبّ !
نسأل الله اللي بلانه بلوه المالكي وحزبه
يمتى يرحمنا... وعلينا ايتوب ؟

**   **     **     **
الى متى هذا القهر ....الى متى؟
هذا العراق اللي تمنيناه دولة
ايصير بيدين النذل..... محني الظهر؟
هذا التمنيناه بيت ووطن لكل العراقيين
يصبح طائفي ,ما ينجرع.. سمّ  وزهرْ؟
الى متى؟
ماكو بلد عنده النفط مثل العراق
ويغرق ابزخّة مطر
ماكو بلد عنده النفط مثل العراق
ويبقى  عايش طول عمره بالقهر!
ماكو بلد عنده النفط والارض والخيرات
مديون,, وديونه باقيه طول الدهر !
آي يالقهر !
الى متى يبقى الشعب ريشه ابمهب الريح
لعبوا بيه لعب ..خلوه شذر مذر
مايعرف الحاكم منو !
مايعرف النائب منو !
وصادر على كل هل القهر !
آه.. يالقهر
وين العراق الليّ بنى اول حضارات الدهر ؟
وين العراق ابو العلم ابو الفنون.. ابو الفكر ؟
وين العراق الجان يجمعنا سوا
ارض وسما .وشمس وقمر ؟
ياهو اليجاوبني على هذا السؤال :
الى متى هذا القهر؟ .. الى متى ؟

**     **      **     **
زهير الدجيلي
يناير 2013

 

 

 





   

   تعليقات القراء

 
 نرجو الألتزام بآداب الحوار والتعليقات تعبر عن آراء اصحابها ولاتعبر عن رأي صحيفة "الجيران "
 

 

اضف مشاركتك 

  ألأسم: البريد:  
 

Please Enter the characters in the image below

This Is CAPTCHA Image
 
           

 

 
 
 

  Designed & Hosted By ENANA.COM

aljeeran.net